Actress Kasturi |నటి కస్తూరి అరెస్ట్
Actress Kasturi |నటి కస్తూరి అరెస్ట్
హైదరాబాద్లో అరెస్టు చేసిన చెన్నై పోలీసులు
తెలుగు వారిపై చేసిన వివాద‌స్ప‌ద వ్యాఖ్య‌ల‌తో కేసులు న‌మోదు
Hyderabad | సినినటి కస్తూరిని చెన్నై పోలీసులు అరెస్ట్ చేశారు. తెలుగు వారిపై వివాదాస్పద వ్యాఖ్యలు చేసిన కేసులో న‌డి కస్తూరిని అదుపులోకి తీసుకున్నారు. శ‌నివారం హైదరాబాద్‌లోని గచ్చిబౌలిలో ఆమెను అరెస్టు చేసిన చెన్నై పోలీసులు ఇప్పుడు ఆమెను చెన్నైకి తరలించారు. నటి కస్తూరి ఇటీవల తమిళ నాయకులను విమర్శిస్తూ.. 300 సంవత్సరాల క్రితం తమిళ రాజు వద్ద అంతఃపుర మహిళలకు సేవ చేసేందుకు వచ్చిన వాళ్ళే తెలుగు వాళ్ళు అని వివాదాస్పద వ్యాఖ్యలు చేసారు. ద్రవిడ సిద్ధాంత వాదులపై ఫైర్ అవుతూ.. బ్రాహ్మణులకు మ‌ద్ద‌తుగా మాట్లాడుతుండగా ఈ వ్యాఖ్యలు చేయడం వ‌ల్ల ఈ వ్యాఖ్యలు వివాదాస్పదంగా మారాయి. దీంతో పలుచోట్ల కస్తూరిపై కేసులు నమోదయ్యాయి.
ఈ కేసుల‌పై కస్తూరిని అరెస్టు చేయకుండా ముందస్తు బెయిల్‌ కోసం మద్రాస్‌ హైకోర్టు ఆశ్రయించగా దానిని హైకోర్టు తిర‌స్క‌రించింది. అయితే కేసు విచారణలో భాగంగా పోలీసులు నోటీసులు జారీ చేయడం కోసం కస్తూరి ఇంటికి వెళ్లారు. అయితే ఆమె ఇంటికి తాళం వేసింది. దీంతో నటి క‌స్తురి పరారీలో ఉందని పోలీసుల తెలుసుకున్నారు. వెంట‌నే రంగంలోకి దిగిన ప్రత్యేక బృందాలతో గాలింపు చర్యలు చేపట్టారు. చివ‌ర‌కు హైదరాబాద్లో నటి కస్తూరి ఆచూకీ లభ్యం కావడంతో పోలీసులు ఆమెను అరెస్ట్ చేసి చెన్నైకి తరలించారు.
* * *
Leave A Comment